تأثرات

رائے گرامی حضرت مولانا شبیر احمد صاحب زید فضلہ

جامعہ معارف اسلامیہ رحیم یار خان

           الحمدللہ آج ۷ ربیع الاول ۱۴۲۶  ہجری بروز اتوار مدرسہ احسان القران والعلوم  النبویہ لاہور کےفترۃاولی کے امتحانات کے سلسلے میں بندہ ناتوان کو ابتدا سے درجہ رابعہ تک تقریبا تمام درجات کی مختلف کتب کے امتحان کا موقع ملا بندے نے مقدور بھر طلباءکو کماً اوکیفاً پر کھنے کی کوشش کی اور معرفت اعراب ،صحیح ترجمہ، اخذ معانی اور مطالب و اسالیب ہر طرح سے ایک ایک طالب علم کو جانچا ،پرکھا۔ الحمدللہ طلباءکو توقع سے بڑھ کر باصلاحیت اور ذی استعداد پایا طلباءکے حال و قال سے ان کی محنت جانفشانی خوب آشکارا ہوئی۔

اساتذہ کرام کی محنت لگن اور اپنے اپنے موضوع سے کامل یکسانیت دیکھ کر دل سے دعائیں نکلیں۔

 مدرسے کے انتظام و انصرام ،طلباءکے کمال ادب اور خصوصا ذوق ِعبادت ،کثرتِ تلاوت ،اعمال و اشغال سے مناسبت قابل ستائش ہے۔ انہی خطوط پر  محنت اور تعمیر ِظاہر و باطن اور تعلیم و تربیت کا سلسلہ جاری رہا تو انشاءاللہ العزیز مدرسہ احسان القران والعلوم النبویہ امت مسلمہ کے علمی ودینی حلقوں کے لیے مشعل راہ ثابت اور چراغ منزل ثابت ہوگا۔

          تعلیم و تربیت کے گوشے جو عموما تشنہ سے رہتے ہیں یہاں پر الحمدللہ ان پر غور و فکر کے ساتھ ساتھ نہایت دلسوزی سے ماہرانہ طریق پر عملی کام ہو رہا ہے۔

          اللہ تعالی مزید ظاہر و باطن کی ترقیات سے نوازے۔ آمین۔ جامعہ احسان القران والعلوم النبویہ  کا اصل سرمایہ اور متاع حضرت جی (حضرت اقدس حافظ صغیر احمد صاحب رحمۃ اللہ علیہ)دامت برکاتہم العالیہ وادام اللہ ظلالہم العالیہ والسابغہ کی سرپرستی توجہات اور دعائیں ہیں۔

اللہ تعالیٰ انہیں ہمیشہ قائم و دائم رکھے آمین۔البتہ مدرسہ کی انتظامیہ اگر مستقبل کی خاطر ابھی سے توسیع کےلیے فکر مند ہو تو انشاءاللہ مفید رہے گا۔