ادارے کے تحت مختلف تعلیمی و تربیتی شعبہ جات قائم ہیں جن میں جامعہ احسان القرآن والعلوم النبویہ برائے تعلیمِ قرآن و دینی علوم، عصری اسکول برائے معیاری دنیاوی تعلیم، اور دارالافتاء برائے شرعی راہنمائی شامل ہیں۔ اس کے علاوہ واٹر فلٹریشن پلانٹ کے ذریعے پینے کے صاف پانی کی فراہمی، مستحقین کے لیے اجتماعی قربانی کا انتظام، اور مختلف مواقع پر فلاحی و امدادی سرگرمیاں جاری رہتی ہیں۔بیت الاحسان فاؤنڈیشن کی جدوجہد کا اصل محور یہ ہے کہ انسان اپنے خالق سے تعلق مضبوط کرے، اپنی زندگی میں دینی اقدار اپنائے اور معاشرتی سطح پر محبت، ایثار اور خیر خواہی کو عام کرے۔ ہم یقین رکھتے ہیں کہ علم و عمل کے امتزاج سے ایک بہتر معاشرہ تشکیل پا سکتا ہے، اور اسی مقصد کے حصول کے لیے یہ ادارہ خلوصِ نیت کے ساتھ اپنی خدمات انجام دے رہا ہے۔